போடு தகிட, தகிட: தமிழகத்தில் பாகுபலி 2 வசூலை முந்திய விக்ரம்..!

விக்ரம் படம் படைத்திருக்கும் சாதனை பற்றி தான் சமூக வலைதளங்களில் பரபரப்பாக பேசிக் கொண்டிருக்கிறார்கள்.

கமல் ஹாசனின் விக்ரம் படம் தமிழகத்தில் பாகுபலி 2 படத்தின் வசூலை முந்திவிட்டது.

விக்ரம்

லோகேஷ் கனகராஜ் இயக்கத்தில் உலக நாயகன் கமல் ஹாசன், விஜய் சேதுபதி, ஃபஹத் ஃபாசில் உள்ளிட்டோர் நடித்த விக்ரம் படம் ஜூன் 3ம் தேதி தியேட்டர்களில் வெளியானது. விக்ரம் படம் ரிலீஸாகி மூன்று வாரங்கள் ஆகிவிட்டது. ஆனால் அந்த படம் ஓடும் தியேட்டர்களில் இன்னும் கூட்டம் நிரம்பி வழிகிறது. விக்ரம் படம் இதுவரை ரூ. 350 கோடிக்கு மேல் வசூல் செய்திருக்கிறது.

ரூ. 150 கோடி

விக்ரம் படம் தமிழகத்தில் மட்டும் ரூ. 150 கோடி வசூல் செய்துள்ளது. இதன் மூலம் பிரபாஸின் பாகுபலி 2 படத்தின் தமிழக வசூலை விக்ரம் வெறும் 16 நாட்களில் முந்திவிட்டது. தமிழக பாக்ஸ் ஆபீஸில் விக்ரம் படம் புது சாதனைகள் படைக்கும் என்று அதை வெளியிட்ட உதயநிதி ஸ்டாலின் ட்வீட் செய்தார். விக்ரம் தொடர்ந்து நடத்தி வரும் வசூல் வேட்டையால் கமல் ரசிகர்கள் மகிழ்ச்சியில் இருக்கிறார்கள்

முத்தம்

விக்ரம் எனும் வெற்றி படத்தை கொடுத்த லோகேஷ் கனகராஜுக்கு கன்னத்தில் முத்தமிட்டுள்ளார் கமல். மேலும் தன் பட வில்லன் விஜய் சேதுபதி, இசையமைப்பாளர் அனிருத், உதயநிதி ஸ்டாலின் ஆகியோருக்கும் முத்தம் கொடுத்துள்ளார். அந்த புகைப்படங்கள் வெளியாகி வைரலாகியுள்ளது.

கமல்

4 ஆண்டுகளாக கமல் நடிப்பில் எந்த படமும் ரிலீஸாகவில்லையே என்று ரசிகர்கள் புலம்பியது போக, தற்போது விக்ரம் வசூலை கொண்டாடிக் கொண்டிருக்கிறார்கள். இதற்கிடையே நடந்த விக்ரம் சக்சஸ் மீட்டில் கலந்து கொண்டவர்களுக்கு பரிமாறப்பட்ட உணவு வகைகளின் விபரம் வெளியாகி ரசிகர்களை கவர்ந்தது. ஆண்டவர்னா, சும்மாவா என்கிறார்கள் ரசிகர்கள்.